अस्तव्यस्तता हटाउन खोज्दा एउटा तारा बिलाइ गयो
भ्रमको बादल फटाउन खोज्दा एउटा तारा बिलाइ गयो
चम्किलो नक्षत्र त्यस्तो कहाँ पाउनु यो दुनियाँमा
सुन्दर दुनियाँ बसाउन खोज्दा एउटा तारा बिलाइ गयो ।
भ्रमित पार्ने खेल यहाँ देखिन्छन् यहाँ गज्जबका
उद्योगलाई बचाउन खोज्दा एउटा तारा बिलाइ गयो ।
श्रमिक मजदुरको एउटा भरपर्दो सारथी थियो
सरकारलाई गलाउन खोज्दा एउटा तारा बिलाइ गयो
सत्यताको मार्ग उसको जीवनपर्यन्त रहिरह्यो
दीन दुखीलाई हँसाउन खोज्दा एउटा तारा बिलाई गयो ।
बोल्दा बोल्दै ढल्यो ऊ अँह फेरि उठेन ऊ
सत्य के हो बताउन खोज्दा एउटा तारा बिलाई गयो ।
भैरहवा
