काठमाडौँ।
प्रेस चौतारी नेपालले समाचार हटाउन र पत्रकार दिलभूषण पाठकविरुद्ध पक्राउ पुर्जी जारी गरिएको विषयलाई गम्भीरतापूर्वक लिएको जनाएको छ ।
चौतारीले बुधबार विज्ञप्ति जारी गरेर बिजमाण्डु डटकम र नेपाल खबर डटकमलाई प्रकाशित समाचार हटाउन जिल्ला अदालतले जारी गरेको आदेश र समाचारकै विषयमा पत्रकार पाठकमाथि पक्राउ पुर्जी जारी हुनुलाई गम्भीरतापूर्वक लिएको जनाएको हो ।
‘प्रेस चौतारी नेपालको दृढ विश्वास छ– सम्मानीत अदालतले प्रारम्भिक आदेशको पुनरावलोकन गर्दै संविधान र विधिको मर्मअनुरूप सुधार गर्नेछ,’ महासचिव हिरामान लामाद्वारा हस्ताक्षरित विज्ञप्तिमा भनिएको छ, ‘त्यस्तै, नेपाल प्रहरीको साईबर ब्युरोले पत्रकार पाठकमाथि जारी गरेको पक्राउ पुर्जी तत्काल खारेज गरी प्रेस स्वतन्त्रताप्रति प्रतिबद्धता दर्शाउनेछ ।’
